«Атамұра» корпорациясы өз өнімдерінің сапасын жақсарту үшін авторлармен бірге әрдайым оқулықтар мен оқу кешендеріне талқылау жасап отырады. «Оқулықтар мен ОӘК құрылымының білімдік мазмұнын жетілдіру» мақсатында шілде айында кезекті семинар ұйымдастырылды.
Семинар әртүрлі тақырыпты қамтып, кең ауқымда өткізілді. Сұхбат-дәріс сабақтары мен тұсаукесер қойылымдарында оқулық пен оқу бағдарламасын одан әрі жетілдіру, Блум жүйесінің сипаты, ағымдағы және болашақтағы оқыту үрдісіне жаңа әдіс-амалдар енгізу және басқа мәселелер қарастырылды.
Семинарда «Атамұрадан» жарық көрген география пәні оқулықтары жан-жақты талқыланды. Семинар «Қазіргі мектепте қандай оқулықтар қажет?» пікірсайысымен аяқталды.
