Ұлттық комиссияның 2017 жылдың 26 сәуіріндегі жиналысы шешімімен жалпы білім беретін мектептердің 2018-2019 оқу жылындағы бағдарламасына жаңа «Өлкетану» пәні енгізілді. Аталмыш пән еліміздің барлық мектептерінде оқытылады. «Өлкетанудың» мазмұны «Қазақстан тарихы», «Қазақ әдебиеті», «География» және «Музыка» пәндерімен сабақтас келеді.
Оқу пәнінің мақсаты – еліміздің болашағы жастардың бойына тарихи сана, патриотизм, өз өлкесінің тарихы мен мәдениетіне, табиғатына құрмет, ата-бабаларының жетістіктеріне деген мақтаныш сезімін қалыптастыру. Қазақстанның әр өңіріне арналған «Өлкетану» оқулығында сол өлкеде туып-өскен әйгілі азаматтардың өмірдерегі кеңінен қамтылған.
«Атамұра» корпорациясынан Шығыс Қазақстан мен Қостанай облыстарына арналған «Өлкетану» оқулықтары жарық көрді. Тамыз айында осы облыстарға арналған оқулықтың қала жұртшылығы мен БАК өкілдеріне таныстырылды. Таныстыру рәсімінде оқулықтың авторлары мен корпорация басшылығы журналистердің қойған барлық сұрақтарына жауап берді.